උඹට ගොඩක් පින්

මටත් හොරෙන්
පුංචි පුංචි
දේවල් ගැන
කප්පරක් තරමට
හිතුවට...
ආයෙම
ඒ කප්පරක් තරමට
හිතපු දේවල්
වල
ඇති වටිනාකම

වගේම
නොවටිනාකමත්
මටම කියල දුන්නු...
ජීවිතේදි
සතුටේදි වගේම
දුකේදි
මගේ ලඟින්ම
මටම
දුරුල් වෙච්ච
ඒ පැතුම් පොදි
ගොඩක් අතරේ
සැගවිලා
මට මම කවුද ?,,
මම මොනවද
කරන්න ඕනේ..
කියන දේ මටම
කියල දීපු
මගේ
" හිත "
උඹට ගොඩක් පින්
මම ගාවින්
හැමදාම රැදිල
මට මාව
තේරුම් කරල
මාව
කෙළින් නැගිට්ටල
තිබ්බට...
(චතුවී)

අහිමි ඔබ

මිරිගුවකි ඔබ.......

සැබෑ වන්නට 

වරම් නොමැතී........

පිපුනු නෙලුමකි ඔබ...

දිය සිබින්නට 

වරම් නොමැතී.....

මහ සයුර ඔබ ....

... නිසල වන්නට 

වරම් නොමැතී......

හීනයකි ඔබ....

මගේ වන්නට 

වරම් නොමැතී.......

(චතුවී)

යථාර්තය

"මහා මේඝය
යටින්
පොද වැස්ස
වැටෙනව
චන්ඩ මාරුත
යටින්
මෘදු සුළන්
හමනවා
රළ පරළු
ගල් අතර
පිණි බිංදු
රැදෙනවා
සිය දහස්
කටු අතර
සුමුදු මල්
පිපෙනවා"                              

  (චතුවී)

කවි සිතුවම් ටිකක්

උදේ නැහෙවෙන හිරු කිරණ දැක කලේ උකුළට ගන්න අම්මා
වත්ත පහලට යන්න හදනදි කිරි සිනා මැද කඳුලු පෙම්මා
දැනන දරු දුක නිසා වෙන්නැති හනික ඈ ගේ වෙතට එම්මා
තනේ සුවඳට නිසාදෝ ඒ නිදා උන් පුතු ඇහැර වෙම්මා
(චතුවී)

යහන පුරා මල් අතුරා මම         සරසන්නම්
සුවඳ පැනින් ඒ මල් පෙති මම   දෝවන්නම්
බිගුන් සොයා එන ඹඹරුන් මම   එලවන්නම්
ඔය ළමැදේ ඒ මල් පොඩි මම     අහුරන්නම්
(චතුවී)

සුළං රැල්ලට කතා කරනට එවෙත නැමෙනා      කරල් පාවී
යනෙන සැම විට මදෙස බලනට වාගෙ නොසැළී නිහඩ වේවී
මුතු සිනා මැද යාය දකිනට උදේ රැය ඇය          නැගිට ඒවී
එය දකින මගෙ හිතේ ආලය මට හොරා තව      තව වැඩේවී
(චතුවී)

කැපවීම සහ ප්‍රතිපලය

උඩ යන
සරුංගලේකට
නූල තව
දෙන්න දෙන්න
ඒ සරුංගලේ
හරි ලේසියෙන්
තව තවත්
උඩ යනව,
ඒත් ඒ උඩ
යවා ගන්න,

විදපු දුක
දන්නේ
සරුංගලේ ,
හදපු
කෙනා
මිසක්
සරුංගලේ
නෙමෙයි..
(චතුවී)

ඇය

මත් වුණු
හිතක්
මත් කළ
හදක්
පෑව
මදහසක්
මැකී ගිය
සඳක්
විළස
නොවුනිද

ඒ
සිතත්

(චතුවී)

පේරැස් මුදුවක කතාව, මගේ දැනුමේ හැටියට

බඳවා රැගෙන රන් පටවල් සීරුවට
ජීවම් කරයි මහ සඟ ගණ මාරුවට
මතු වී මහත් පල, බල ඉන් මහ රජුට
ලැබදෙයි වරම් රැකුමට මේ බිම ඔහුට

පළමුව රැගෙන විත් ගජ මුතුවක් පෙරට
ආඳා මුතුව ගෙන ආවා දෙවනුවට
ඌරු මුතුව තැබු කල මේ දෙක ලගට
අඩු වුණි වේන අඟකුත් තව ගුරු කමට

ගෙන ආ පසුව කඟ වේනකු මරා අඟක්
ඇත් දල යුගල පුද දුන්නේ රජුගෙ ඇතෙක්
බඳ ලා රැගෙන රන් පටවල් යාර හතක්
නිමවා තැබුනි රජු හට පේරැස් මුදුවක්
(චතුවී)